హిమాచల్ ప్రదేశ్లో ఘోర ప్రకృతి విపత్తు: క్లౌడ్బర్స్ట్, వరదలతో జన జీవితం అతలాకుతలం
కంగ్రా, కుళ్ళూ జిల్లాల్లో ప్రళయకర వర్షాలు – ఇద్దరు మృతి, 20 మందికి పైగా అదృశ్యం
2025 జూన్ 25న హిమాచల్ ప్రదేశ్లో ప్రకృతి ప్రళయం మిగిల్చిన తీవ్ర విషాదం ప్రజలను భయబ్రాంతులకు గురి చేసింది. కంగ్రా, కుళ్ళూ జిల్లాల్లో చోటు చేసుకున్న క్లౌడ్బర్స్ట్లు, భారీ వర్షాల కారణంగా బలమైన వరదలు సంభవించాయి. ఈ విపత్తులో ఇద్దరు మృతి చెందగా, మరో 20 మందికి పైగా వరదల ధాటికి కొట్టుకుపోయినట్టు అనుమానం వ్యక్తమవుతోంది. ఇళ్లను, రోడ్లను, ప్రాజెక్టులను నాశనం చేసిన ఈ వరదలు రాష్ట్రంలో హృదయవిదార బాధలను మిగిల్చాయి.
సైన్జ్, గడ్సా, మనికరణలో గాలి వాన విలయం
కుళ్ళూ జిల్లాలోని జీవా నల్లా, రేహ్లా బీహాల్, శిలాగఢ్ ప్రాంతాల్లో వరుసగా క్లౌడ్బర్స్ట్లు సంభవించాయి. కంగ్రాలో బ్రహ్మగంగా, మనూని ఖడ్ ప్రాంతాలు తీవ్ర ప్రభావితమయ్యాయి. కంగ్రాలోని ఇందిరా ప్రియదర్శిని హైడ్రో ఎలక్ట్రిక్ ప్రాజెక్టులో పనిచేస్తున్న 15-20 మంది కార్మికులు వరద ప్రవాహానికి కొట్టుకుపోయినట్లు అధికారులు తెలిపారు. ఇప్పటికే ఇద్దరి మృతదేహాలు గుర్తించగా, మిగిలిన వారి కోసం SDRF, పోలీసు, రెవెన్యూ బృందాలు గాలింపు చర్యలు చేపట్టాయి.
విద్యుత్ ప్రాజెక్టులకు బాధ్యత?
స్థానికులు, ప్రజా ప్రతినిధులు హైడ్రో ప్రాజెక్టుల నిర్మాణ ప్రమాణాలపై ఆరోపణలు చేస్తున్నారు. ప్రాజెక్ట్ల వల్ల వచ్చిన మట్టి, మలినాలు వర్షపు నీటితో కలిసి వరద తీవ్రతను పెంచాయని మండిపడుతున్నారు. కుళ్ళూ ప్రాంతంలో ఈ తరహా ఘటనలు పునరావృతం కావడంపై ప్రజలు ఆందోళన వ్యక్తం చేస్తున్నారు.
వర్షపు తీవ్రత, వాతావరణ విభాగం హెచ్చరిక
పలంపూర్లో 145.5 మిమీ వర్షపాతం నమోదయ్యింది. జోగీందర్నగర్ (113 మిమీ), నహాన్ (99.8 మిమీ), బైజనాథ్ (85 మిమీ) సహా ఇతర ప్రాంతాల్లో కూడ భారీ వర్షాలు నమోదయ్యాయి. భారత వాతావరణ శాఖ శిమ్లా కేంద్రం కుళ్ళూ, కంగ్రా, శిమ్లా సహా 9 జిల్లాలకు ఆరెంజ్ అలర్ట్ జారీ చేసింది. జూన్ 26 వరకు భారీ వర్షాలు, పిడుగులు ఉండే అవకాశం ఉందని హెచ్చరించింది.
తీవ్ర నష్టం, ప్రకృతి కోపానికి భారీ మూల్యం
వర్షాలతో 95 రోడ్లు, 2 జాతీయ రహదారులు మూసివేయబడ్డాయి. 116 విద్యుత్ ట్రాన్స్ఫార్మర్లు, 65 నీటి సరఫరా పథకాలు పనిచేయడం నిలిచిపోయాయి. బంజార్ సమీపంలోని హోర్నగడ్లోని వంతెన వరద నీటిలో కొట్టుకుపోయింది. కుళ్ళూ-మనాలి హైవే కూడా దెబ్బతిన్నది. రాష్ట్రం ఇప్పటికే ₹1,140 కోట్లకు పైగా నష్టాన్ని మూటగట్టుకుందని అధికారులు తెలిపారు.